Data de celebración: 11 e 12 de decembro de 2015.
Inscrición aberta ata o 7 de decembro.
PROGRAMA
Venres 11 de Decembro 17.30-20.30h:
ABERTO AO PÚBLICO
Conferencia Foro: O poder das artes na educación
Unha tarde para explorar e reflexionar a través de:
- A visión do investigador da Universidade de Harvard e o Project Zero e creador do seu programa de Artes na Educación, Steve Seidel.
- A exploración de proxectos educativos que integran as artes no panorama nacional coa visión e experiencia do investigador e docente da Universidade Complutense, o Dr. Gabriel Rusinek especializado na aprendizaxe musical significativa, a composición cooperativa, as pedagoxías inclusivas en educación musical e a experiencia do público nas artes escénicas.
- A inspiradora recopilación sobre iniciativas pedagóxico-musicais nacionais, de ámbito público e privado, que ten realizado a ex bolseira da Fundación, Antía G. Ben.
- As intervencións de Anxo Pintos e Alfonso Franco, creador do San Simón Fiddle Camp, e do dúo de instrumentos insólitos Fetén Fetén, cos músicos e profesores Diego Galaz e Jorge Arribas.
17.30-19.00h
Antía G. Ben, doctorando Universidad de Wisconsin
Dr. Gabriel Rusinek, Universidade Complutense
19.00h PAUSA
19.30-20.30h
Prof. Steve Seidel, Universidade de Harvard
Moderado por Cristina Pato.
Sábado 12 de Decembro
10.00-13.30h: OBRADOIROS
SÓ PARA INSCRITOS
*Modelado segundo o perfil dos participantes inscritos na xornada.
Unha mañá para poder traballar e coñecer de preto a todos os ponentes de enlazARTE. Con sesións de traballo en grupo, segundo os intereses comúns dos participantes inscritos.
Realizaranse dous obradoiros complementarios, un teórico e un práctico. Coa idea de profundizar nos temas do Foro e crear posibles sinerxías entre os inscritos á xornada, a sesión da mañá do sábado contará con mesa redonda, sesión en grupo e un obradoiro sobre a experiencia en iniciativas didácticas, usando como modelo o concerto didáctico de Fetén Fetén e o modelo de música e comunidade creado por Alfonso Franco no San Simón Fiddle Camp.
Remataremos esta xornada elaborando unhas conclusións sobre o papel das artes e da música na nosa sociedade.
17-19h: Ensaios Abertos
SÓ PARA OS INSCRITOS INTERESADOS
Posibilidade de asistir á preparación do concerto didáctico que compartirá, en líneas xerais, as conclusións das xornadas de enlazARTE.
NOTA * Modelado segundo o perfil dos participantes inscritos, a idea é poder contar coa colaboración dun número selecto de músicos e pedagogos inscritos ás xornadas e contactados previamente.
20.30h: CONCERTO enlazARTE
ABERTO AO PÚBLICO
Unha viaxe a través do poder da música popular e dos instrumentos tradicionais, e non tan tradicionais, o concerto de clausura de enlazARTE nace coa idea de compartir as ideas e conclusións sobre o poder da música na educación nun formato diferente, ameno e participativo.
Con Cristina Pato á cabeza, o concerto de enlazARTE contará cun programa creado en colaboración co dúo de instrumentos insólitos Fetén Fetén (Diego Galaz e Jorge Arribas), co multiinstrumentista e docente Anxo Pintos e coa colaboración dos ponentes e participantes das xornadas de enlazARTE .
